الكلمات السعوديه...اللي ماتفهم كلماتنا .. تدش وتتعلم....

الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله.

المنسم : ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم .

السلنتح : قليل الأدب

جحلط ( بتشديد اللام ) : وهم مرحلة متقدمة للسلنتح

مزّلب : يعني بايعها بتراب !

مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة

الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له
المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ...

الفاهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه ...

الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!....

العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه......

المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة .

المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....

السربوت : هذا اللي ما يخلي مكان ما يروح و قد كان الأولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء.

السمرمدي : وهو من نفس فصيلة السربوت.

الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك .

زعّيط : مسوي نفسه يفهم في كل شيء وهو من جنب العارضة.

المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ...

المفلت : هو كل شخص ما تقدر أنك تأمنه على شيء لأنه ماله اتكالة و يتميز بكل أنواع الإهمال و التطنيش....

اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهكذا

تسلمى يارب الله يخليكى

تسلمي
مبدعة كعادتك

صحيح اني سعودية
بس بعض الكلمات
ما عرفتها

تحياتي لك

اشكر لكن مروركن..

دلوعه امكن ماتعودتي تسمعيها لكن هالكلمات في الغالب يقولها اهل نجد بشكل خاص..

تسلمى يا قمر

هلااااااااااااااااااابك وحيااااااااااااااااااااااااااااااك..

» اللهجه السعوديه <<<>>>بالانجليزي...
» عجائب وغرائب بعض الكلمات الانجليزيه؟؟
» ارمي البطيخة ع العضوة اللي تختارينها في المنتدى
» اكشفي اللي داخل الماااااااااااااااسن في وضع الظهور دون اتصال مع برنامج..Messenger Discovery life